Haqqımızda

Şamaxı Rayon İcra Hakimiyyətinin Elektron müraciət portalı haqqında ümumi məlumat

Elektron müraciət portalı Azərbaycan Respublikasının Prezidenti cənab İlham Əliyevin 27 fevral 2020-ci il tarixli 1859 nömrəli Sərəncamı ilə təsdiq edilmiş “Açıq hökumətin təşviqinə dair 2020-2022-ci illər üçün Milli Fəaliyyət Planı”nın müvafiq bəndlərinə uyğun olaraq yaradılmışdır.

Portalın fəaliyyət istiqamətləri

  • Vətəndaşlara rayon icra hakimiyyəti ilə yanaşı dövlət qurumları və xidmət təşkilatlarına daha rahat, onlayn müraciət etmək imkanı verir;
  • Müraciətlərin vahid şəkildə idarə edilməsini, portala inteqrasiya edilmiş dövlət qurumlarının əməkdaşlarının fəaliyyətinin əlaqələndirilməsini təmin edir;
  • Müraciətlərin baxılmasının operativlik, şəffaflıq, nəzakətlilik, məsuliyyətlilik prinsipləri əsasında həyata keçirilməsinə nəzarət edir;
  • Müraciətlərin baxılmasının qanuna uyğun həyata keçirilməsinə, cavabların keyfiyyətinə və şəffaflığa dair qiymətləndirmələrin aparılmasını təmin edir;
  • Müraciətlərin və onların icrasının birbaşa mərkəzi və yerli icra hakimiyyəti orqanları, həmçinin xidmət təşkilatlarının baş idarələri tərəfindən izlənilməsinə şərait yaratmaqla icraçı qurumların məsuliyyətinin artmasını təmin edir;
  • Müraciətlərin təhlilinə əsasən icraçı qurumların effektiv iş əmsalının müəyyənləşdirilməsini təmin edir;
  • Müraciət zamanı yaradılan “Vətəndaşın elektron kabineti” vasitəsilə rayon əhalisinin məşğuliyyəti, onların sosial vəziyyəti və digər statistik hesabatların hazırlanması təmin edir;

Məqsədimiz

  • Vətəndaşların müraciətlərini daha asan şəkildə ünvanlaması,
  • Yaşayış yerini tərk etmədən, əlavə vaxt və maliyyə itkisi olmadan müraciət etmək imkanı;
  • Şifahi müraciətlərin sayının azalması ilə xüsusi lüzum olmayan vətəndaş-məmur təmaslarının minimuma endirilməsi,
  • Müraciətlərin elektron qaydada qəbul edilməsi işinin təkmilləşdirilməsi,
  • Müraciətlərə baxılması işinin optimallaşdırılması,
  • Real vaxt rejimində müraciətlərin izlənilməsi;
  • Müraciətlərin sahələr üzrə sistemləşdirilməsi;
  • Göstərilən elektron xidmətlərin sayının artırılması;
  • Dövlət qurumlarının fəaliyyətinin səmərəliliyinin artırılmasıdır.

Portalın əlçatanlığı

  • Elektron müraciət portalı (www.e-qebul.az) rayon icra hakimiyətinin rəsmi internet səhifəsinin “Elektron müraciət” bölməsində yerləşdirilmişdir;
  • Portala daxil olmaq bacarığı olmayan vətəndaşlar rayon icra hakimiyyəti yanında yaradılmış ofisə gələrək RİH-in könüllülərinin köməyi ilə müraciətinlərini portal üzərindən ünvanlaya bilirlər.